كشف الفنان أحمد عبد الوهاب، عن دوره في " الحشاشين " وسببه خشيته من أداء الدور في بداية الأمر قائلاً : " أنا مش بعرف أعمل " اوديشن " وحد يقلي حد المشهد ده وصوره دلوقتي بحس أني محتاج أذاكر وأحضر "
تابع خلال لقاء عبر برنامج " كلمة أخيرة " الذي تقدمه الإعلامية لميس الحديدي على شاشة ON:"لما كلموني أعمل ده ورغم أني من أول ما سمعت عن المسلسل من السنة الماضية قلت يارب أعمل مشهدين في المسلسل ده كنت سامع عنه "
واصل : " لما كلموني أعمل " أوديشن " كنت متردد وخايف كلمت مراتي وقتها كانت في فرنسا قالت لي روح فوراً وحاولت أشرح ليها مخاوفي قالت روح فوراً وبعد نزولي وأدائي للمشهد كلمتها وقلت لها أدائي كان وحش جداً، أكيد مش هاخد الدور "
أكمل : " تفاجئت الفجر أن Casting director بيكلمني وبيقلي مبروك المخرج بيتر ميمي وافق عليك وقابلته وقعد يتكلم معايا ويشرح الشخصية وعرفت يومها وأنا بتكلم وروحت قرأت الشخصية وكنت خايف وسألته باي ثقة شايفني أعمل الدور ده ؟ خاصة أن السنة الماضية كنت عامل كوميدي وبكتب كوميدي من أين جئت بالثقة إني أقدم دور زي ده ؟ كنت خايف ابوظ المسلسل لأني ل عملته وحش هجبلهم نقد يومي لان مشاهدي يومية
وعن وقوفه أمام الفنان كريم عبد العزيز قال : " أنا متخضتش كده في حياتي إلا الأستاذ كريم عبد العزيز كان ليه طله مع الشكل بالزي الأسود خلاني في أول مشهد نسيت الكلام وكان أول مشهد هو مشهد المناظرة لما قلي مش أن الأوان نفتح قلوبنا لبعض .. وهو نجم كبير عارف يتعامل مع الممثل الذى أمامه فاهم إحساسه "
وعن أصعب المشاهد التي خشي منها قال : مشهد قتل أصحابي كنت شايل همه من الأول من الورق ومكانتش عارف اعمل فيه والمخرج بيتر ميمي مراية لينا بيقلنا على الحلو حلو والوحش وحش.
وعن عن الإصابة التي تعرض لها، خلال مشاركته في مسلسل "الحشاشين"، وذلك كان بسبب سقوطه من على الحصان، قال : " أصبت وكتفي أتخلع في مشاهد المعارك.
