كشفت الفنانة غادة عبد الرازق عن سر رشاقتها والذي أثار إعجاب الجمهور في صيد العقارب قائلة : " أنا مظهري هو العامل الأساسي في نجاحي وعلاقتي بالناس لازم أحافظ ط,ل مانا عايزة أمثل لازم أحافظ على شكلي وجسمي ولبسي علشان الناس تفضل تحبني ويشوفوني في أحسن حتة "
تابعت خلال لقاء " عبر " برنامج " كلمة أخيرة " الذي تقدمه الإعلامية لميس الحديدي على شاشة “ ON"": يوم لما أخد القرار اني أقعد في البيت وقتها بقى لو عايزة أتخن أو مخدش بالي من شعري ووشي أعمل الي أنا عايزاه لكن طول مانا محطوطة في منطقة النجمة يبقى لازم أبقى نجمة عند الناس بكل المواصفات والمقاييس الصحيحة "
وعن حياتها اليومية وخروجها للسوبر ماركت قالت : لازم يبقى شكلي حلو صحيح مش حاطه ميكب كامل بس لازم يبقى شكلي كويس علشان الناس لما تشوفني تحترمني "
وعن عروض الموضة التي تشارك فيها في روما وميلانو قالت : " المفروض كنت أعمل ده من زمان ودي من الحاجات الي قصرت فيها في نفسي بس بدأت أخد بالي منها وأحط عيني عليها وبدأت أعمل الي كنت لازم أعمله من 15-18 سنة "، استطردت : "المصريين جامدين في كل حاجة بس نركز "، وأعربت عن سعاتها البالغة بمسلسل صيد العقارب قائلة : سعيدة جداً جداً به وبشكر ربنا لأنه إداني فوق فوق ما كنت أتخيل "
أكملت : صيد العقارب رجعلي الثقة في حاجات كثيرة أوي ورجعلي حبي لنفسي وحبي للشغل وحبي لجمهوري حببني في حاجات كثيرة جداً السنة دي بقيت سوية من جميع النواحي بقالي سنين محستش بده "
