إدارة مدرسة تقرر منع الطلاب من الأكل والشرب ودخول الحمام بسبب التأخر في سداد المصروفات

كشف أحمد صبحي، ولي أمر إحدى الطالبات بمدرسة "نيو كابيتال"، أن إدارة المدرسة قررت منع الطلاب من الأكل والشرب ودخول الحمام بسبب تأخر أولياء الأمور في سداد المصروفات، قائلاً:"بنتي فريدة التحقت بالمدرسة من أربع سنين، وهي دلوقتي في الصف الثاني الإعدادي. فوجئت يوم الأحد اللي فات إنها رجعت من المدرسة مضايقة وحزينة.

ولما سألتها قالتلي إنها أثناء اليوم الدراسي واحدة من المدرسات نادتها وودّتها فصل مجمّع فيه طلاب من مراحل دراسية مختلفة، فيهم كمان أصغر منها، ولما سألت المدرسة: "أنا عملت إيه؟"، ردت عليها وقالت: "المديرة جاية دلوقتي تقولك إيه اللي حصل"، وقعدوها ساعة ونص وبعدها رجعوها من غير ما حد يشرح لها حاجة."

وأضاف خلال مداخلة هاتفية ببرنامج "الصورة"، الذي تقدمه الإعلامية لميس الحديدي على شاشة "النهار":"لما بنتي حكتلي، توقعت إن السبب يكون المصروفات، لأن أحد مسؤولي إدارة الحسابات في المدرسة كان كلمني قبل أسبوع وسألني عنها، فقلتله إني هسدّدها نهاية نوفمبر، فقال لي "تمام" وقفل المكالمة. ماكنتش متخيل أبداً إنهم ممكن يتصرفوا بالشكل ده."

وتابع:"دي أول مرة يحصل تصرف بالشكل ده، وروحت المدرسة تاني يوم الساعة 11 الصبح، وقابلت مديرة العلاقات العامة وسألتها عن اللي حصل مع بنتي، وفوجئت إنها بترد بكل وضوح إن السبب هو تأخر سداد المصروفات. قلتلها: بتتكلمي جد؟ قالتلي: "آه، ولازم نحطّ حد لتأخير المصروفات". قطعتها وقلت:"سيبك من المصروفات، إزاي تحبسوا بنتي ساعة ونص بسبب تأخير حصل مني أنا كولي أمر؟"، فقالتلي: "عارفة، تصرف مش ظريف، بس حطّ نفسك مكاني"."

أكمل أحمد صبحي حديثه قائلاً:"قلت لهم المفروض يبقى فيه قانون ينظّم العلاقة بين المدرسة وولي الأمر، إفرضوا غرامات أو اعملوا أي إجراء إداري، لكن ماينفعش تعاقبوا الأطفال. وطلبت منهم يعتذروا لبنتي عن اللي حصل بعد ما اتعرضت لتجريس قدام زمايلها، فقالت لي مديرة العلاقات العامة: "أوعدك إننا نعتذر لها" وبالفعل، غادرت المدرسة حوالي الساعة 11:30، وبعد ساعتين ونص، في حوالي الساعة 1:30، أخطروني إنهم اعتذروا لفريدة، وقالوا إن اللي حصل مش هيتكرر."

وأضاف:"قلت لهم تمام، وأنا هاجي بكرة الصبح أسدد المصروفات، لكن اتفاجئت إن بنتي جاية منهارة  بتقولي إنهم استدعوها مرة تانية لنفس الفصل اللي بيحطوا فيه الطلاب اللي ما سدّدوش المصروفات، وقعدوها هناك لمدة ثلاث ساعات! يعني بعد ما وعدوني إن اللي حصل مش هيتكرر، كرروه تاني  وفي نفس اليوم وكأن مفيش أي اعتبار أو احترام لكرامة الطفلة."

 وأكد أن هذه المدرسة وإدارتها تعاني من خلل تربوي جسيم  قائلاً : ليس ذلك فقط بل ان المدرسة ترفض اي سداد للمصروفات عبر وسائل الدفع الالكتروني  بل كاش "z