أخبار
سها جندي وزيرة الهجرة تنقل أحمد حسين بعد فشل ستة عمليات إلى أرض الوطن
سها جندي وزيرة الهجرة تنجح في نقل مواطن مصري بالتنثيق مع ثلاث دول
هذا المقال نقلاُ عن معالي الوزيرة سها جندي وزيرة الهجرة المصرية .
ألف حمد الله علي سلامتك يا أحمد
“أحمد حسين “شاب من الغربية
عنده ٢٨ سنة كان بيشتغل في موزمبيق
اصدقاءه استغاثوا بوزارة الهجرة علشان نلحقه لان الدكاترة هناك بلغوه انه بيموت وفاضل له أيام بعد ان خاض ٦ عمليات بسبب أثار التيفود وللأسف كلهم فشلوا .
وقتها كلمته قالي ارجوكي الحقيني
وقلت له ما تخافش مش هنسيبك
وتواصلت مع سفراءنا في موزمبيق وكينيا وجنوب افريقيا للبحث عن شركة طيران ينفع تنقله مع حالته الطبية المتأخرة
لغاية ما وصلنا للكنيسة في كينيا ومن خلال المستشفي القبطي العالمي هناك قدرت تبعت له اسطوانات اكسجين خاصة ويوصل كينيا ، يتعالج عندهم لغاية استقرار حالته ،وبعدها مصر للطيران تنقله للقاهرة
ووزارة الصحة تستقبله وتوفر له علاج متكامل في مستشفي دار الشفاء لمدة ٥ شهور كاملة،
لغاية ما تماسك واستحمل عملية معقدة جداا في القولون والمعدة والاثني عشر اللي كانوا كلهم متضررين ونجح دكاترة مصر العظام يصلحوا الجهاز الهضمي ، ومتابعة من فريق التمريض وكل ادارة المستشفي علي اعلي مستوي..
والنهاردة رحت المستشفي زرت احمد من جديد علشان أطمن عليه ونفرح انه خرج من الرعاية وحالته بتتحسن والدكاترة طمنونا فاضل العلاج الطبيعي ويقدر يخرج ويمارس حياته بشكل طبيعي..
وربنا كتب له عمر جديد
القصة دي مش خيال ووزارات وأجهزة الدولة كلها تعاونت واتحركت علشان حالة مواطن واحد في داخل عمق افريقيا في مدينة تبعد عن عاصمة موزمبيق ٢٠٠٠ كم ..
