آخر الأخبار
مصرع وإصابة 8 فى مشاجرة لخلاف علي فاصل حد أرض زراعية بسوهاج برشلونة يعلن تبرعه بـ30 ألف قناع طبي لمكافحة كورونا «التعليم» تحدد المسؤولين عن اختيار الموضوعات البحثية للطلاب 8 حقائق مثيرة لا تعرفها عن العقل البشري لماذا لا توجه وزيرة الصحة بتجهيز غرف عزل في كل وحدة صحية بقري الصعيد ؟ "هشم رأسها بفأس".. عامل يقتل زوجته لخلاف علي ملكية منزل في سوهاج كلب مسعور يهاجم المواطنين ويصيب 5 في سوهاج شباب الاميرية اجدع شباب امرأة من جنوب أفريقيا تنتحر في الحجر الصحي من كورونا وزير المالية يتابع سير العمل بموسم «الإقرارات الضريبية» حاكم ولاية نيويورك يؤكد فى مؤتمر صحفي ان حصيلة المصابين بفيروس كورونا تجاوز 500 حالة المنظمات الحقوقية ببريطانيا توجه انتقادا حادا للشرطة البريطانية لتعاملها الشديد مع المواطنين للبقاء فى منازلهم للحد من انتشار فيروس كورونا وزيرة التخطيط والتنمية الاقتصادية: المقاربة الوحيدة للتعامل مع أزمة فيروس كورونا في مصر هي حماية أرواح المواطنين فليس مهمًا الآن النظر إلى أية خسائر مادية واقتصادية وزير الزراعة يعلن موافقة البنك المركزي على استفادة الأنشطة الزراعية من مبادرة دعم الصناعة وسائل الإعلام الليبية تؤكد فى بيان لها أن قوات الجيش الليبي تتقدم نحو مدينة سرت الليبية

التقيـة

الأربعاء 04 سبتمبر 2019 - 2:12 PM | عدد مشاهدات : 1408
محمد التاجي
 
طباعة
محمد التاجي

قالك "التقية" عند الإخوان هي انك تكدب وتقول غير إللي انت مخبية أو إللي انت بتكنة في نفسك
واسم الله علي مقامكم ابتدينا الايام دي  نكتشف أن كل العيال إللي اتحدفوا علينا وسموا نفسهم الدعاة الجدد

هم  أصلا إخوان "زفت" وإرهابين وشفنا المليونير "ع .خ" أبو صوت مسرسع لما بان علي اصلة أيام  حكم الإخوان وبعد لما انكشحوا و راحوا في ستين داهية حاول يتملص منهم ويرجع تاني يعملهم علينا لكن كان غيرك اشطر يا ابو صوت منسون وبعدين لقينا المليونير التاني المسهوك علي روحة ومسبل عنية الدوبلي بان علي اصلة لما اتفضح لة فيديو يتغزل فية " بزينب الغزالي"  الإرهابية وشوية شوية حيروح يخطبها من المرشد العام اما المليونير التالت " م.م "إللي قعد ينشر الفضيلة والشرف والعزة والكرامة والاحتشام ويحض هو وغيرة النساء علي الحجاب وفي الآخر راح تزوج من فنانة رافضه فكرة الحجاب و لم يعترض وكمان انتج لها مسلسل بأموال الدعاوي "الفالصو"  إللي كان بينشرها علي الفضائيات كل دة مبلوع لان العيال دي ماتتخيرش عن الإخوان وهم  منهم

لكن لما يطل علينا مسئول "كوزير الأوقاف"وهو طلاتة بقت كتير بمناسبة ومن غير مناسبة

فأطل علينا سيادتة من يومين مع عمرو اديب وسألة الأخير عن إشاعة سارية علي صفحات التواصل الاجتماعي انهم حيدفعوا المصلين في المساجد تمن فواتير كهرباء المساجد فتكلم أيضا بنفس اسلوب "التقية"  ورفض بشدة هذا الكلام و ولكن قالة بعد كدة إحنا بس كل إللي حنعملة اننا حنشغل المساجد علي عدادين الأول للانارة والإذاعة والتاني للمكيفات عشان احنا المهم ان إنارة المسجد واذاعتة ماتتقطعش اما لا قدر الله لو عداد المكيفات قطع وانت عايز تشغل التكييف يبقي روح اشتري كارت وشغلة !!

يعني بالبلدي كدة إحنا حنشغل النور والإذاعة علي عداد فواتير والتاني علي عداد بكروت مسبوقة الدفع يبقي فعلا انت حتشغلوا كهربة المساجد علي حساب المصلين ..

زي ما الاشاعة بتقول وحضرتك بتلف وبتدور في الكلام وبنفس اسلوب "التقية" طيب لما انت قلبك علي الدولة كدة مابتقفلش تكييف مكتبك لية يا سيادة الوزير؟

وتوفر علي الدولة آلاف الجنيهات ؟

وبعدين هل يا تري الكلام دة حيتم تطبيقه  علي جميع دور العبادة ولا علي المساجد فقط  ؟

ثم انت يا سيادة الوزير مش حتبطل تطلع تتبني مواقف عنترية وفي الآخر تنزل على فشوش زي ما عملت السنة إللي فاتت لما وزيرة السياحة طلعت قرار الجباية علي الحجاج والمعتمرين بدفع مبلغ 3000 ريال سعودي في حالة تكرار العمرة والحج وطلعت علي التلفزيونات تدافع عن القرار وتقول حرام وسفة إللي انتوا بتعملوة دة وبطلوا الحج والعمرة واتبرعوا بفلوسها لصندوق تحيا مصر وفي نفس الوقت حضرتك يا معالي الوزير وأخد السكة قياسه مابين القاهرة مكة المدينة وبالعكس بوصفك رئيس بعثات الحج والعمرة يعني تحرمة علي الناس اللي هي حتدفع من جيبوبها وانت محللة لنفسك وإحنا إللي بندفعهولك من جيوبنا كدافعين للضرائب؟

ولا ابو بلاش كتر منة.

وفي الآخر المحكمة حكمت ببطلان القرار وطلع نأبكم علي شونة ؟؟

ياريت يا معالي وزير الأوقاف تتعلم من زملائك أمثال مفتي الجمهورية الدكتور "شوقي علام"  وشيخ الأزهر فضيلة الشيخ الدكتور "أحمد الطيب "و تصمت وما تتكلمش إلا للشديد القوي علشان غلطاتك كتير و الاوقاف وزارة يحترمها كل المسلمين.

كلمة اخيرة  لوزير الكهرباء والدولة عموما

يا سادة دور العبادة مساجد وكنائس وحتي المعابد اليهودية يجب أن تكون معفاة من دفع فواتير استهلاك المياه والكهرباء دي بيوت الله عيب .

شارك