آخر الأخبار
رئيس قطاع الناشئين يالأهلي يكشف عن ثنائي لتعويض أحمد فتحي تفاصيل.. النيابة تحقق فى واقعة تعذيب طفلة على يد والدتها بالجيزة المستشفى الجامعى بسوهاج تخصص مبنى للعزل الصحى من "كورونا" مزارع يطلق النار على نجلة شقيقه لخلافات الميراث فى سوهاج عثمان : عودة البطولات شرط لاحتراف اللاعبين بالخارج صور| دوريات أمنية مشددة تجوب شوارع البلينا للتأكد من إلتزام المواطنين بقرارحظر التجوال شباب حدائق القبة يضربون المثل فى الاخلاص للوطن تأجيل الدوري الإيطالي لأجل غير مسمى الاتحاد الإسباني: ندرس إنهاء منافسات «الليجا» بنظام المربع الذهبي الصحة: تسجيل 120 حالة إيجابية جديدة لفيروس كورونا..و8 حالات وفاة 120 حالة إيجابية جديدة لفيروس كورونا ... و8 حالات وفاة العصار" و"زكي" يبحثان التعاون المشترك بينهما تسجيل أول حالة إيجابية بفيروس "كورونا" بمدينة جرجا جنوب سوهاج وزير الإعلام: من الوارد تطبيق الحظر الكامل رد فعل شيكابالا في السوبر أقل مما حدث معه

التقيـة

الأربعاء 04 سبتمبر 2019 - 2:12 PM | عدد مشاهدات : 1423
محمد التاجي
 
طباعة
محمد التاجي

قالك "التقية" عند الإخوان هي انك تكدب وتقول غير إللي انت مخبية أو إللي انت بتكنة في نفسك
واسم الله علي مقامكم ابتدينا الايام دي  نكتشف أن كل العيال إللي اتحدفوا علينا وسموا نفسهم الدعاة الجدد

هم  أصلا إخوان "زفت" وإرهابين وشفنا المليونير "ع .خ" أبو صوت مسرسع لما بان علي اصلة أيام  حكم الإخوان وبعد لما انكشحوا و راحوا في ستين داهية حاول يتملص منهم ويرجع تاني يعملهم علينا لكن كان غيرك اشطر يا ابو صوت منسون وبعدين لقينا المليونير التاني المسهوك علي روحة ومسبل عنية الدوبلي بان علي اصلة لما اتفضح لة فيديو يتغزل فية " بزينب الغزالي"  الإرهابية وشوية شوية حيروح يخطبها من المرشد العام اما المليونير التالت " م.م "إللي قعد ينشر الفضيلة والشرف والعزة والكرامة والاحتشام ويحض هو وغيرة النساء علي الحجاب وفي الآخر راح تزوج من فنانة رافضه فكرة الحجاب و لم يعترض وكمان انتج لها مسلسل بأموال الدعاوي "الفالصو"  إللي كان بينشرها علي الفضائيات كل دة مبلوع لان العيال دي ماتتخيرش عن الإخوان وهم  منهم

لكن لما يطل علينا مسئول "كوزير الأوقاف"وهو طلاتة بقت كتير بمناسبة ومن غير مناسبة

فأطل علينا سيادتة من يومين مع عمرو اديب وسألة الأخير عن إشاعة سارية علي صفحات التواصل الاجتماعي انهم حيدفعوا المصلين في المساجد تمن فواتير كهرباء المساجد فتكلم أيضا بنفس اسلوب "التقية"  ورفض بشدة هذا الكلام و ولكن قالة بعد كدة إحنا بس كل إللي حنعملة اننا حنشغل المساجد علي عدادين الأول للانارة والإذاعة والتاني للمكيفات عشان احنا المهم ان إنارة المسجد واذاعتة ماتتقطعش اما لا قدر الله لو عداد المكيفات قطع وانت عايز تشغل التكييف يبقي روح اشتري كارت وشغلة !!

يعني بالبلدي كدة إحنا حنشغل النور والإذاعة علي عداد فواتير والتاني علي عداد بكروت مسبوقة الدفع يبقي فعلا انت حتشغلوا كهربة المساجد علي حساب المصلين ..

زي ما الاشاعة بتقول وحضرتك بتلف وبتدور في الكلام وبنفس اسلوب "التقية" طيب لما انت قلبك علي الدولة كدة مابتقفلش تكييف مكتبك لية يا سيادة الوزير؟

وتوفر علي الدولة آلاف الجنيهات ؟

وبعدين هل يا تري الكلام دة حيتم تطبيقه  علي جميع دور العبادة ولا علي المساجد فقط  ؟

ثم انت يا سيادة الوزير مش حتبطل تطلع تتبني مواقف عنترية وفي الآخر تنزل على فشوش زي ما عملت السنة إللي فاتت لما وزيرة السياحة طلعت قرار الجباية علي الحجاج والمعتمرين بدفع مبلغ 3000 ريال سعودي في حالة تكرار العمرة والحج وطلعت علي التلفزيونات تدافع عن القرار وتقول حرام وسفة إللي انتوا بتعملوة دة وبطلوا الحج والعمرة واتبرعوا بفلوسها لصندوق تحيا مصر وفي نفس الوقت حضرتك يا معالي الوزير وأخد السكة قياسه مابين القاهرة مكة المدينة وبالعكس بوصفك رئيس بعثات الحج والعمرة يعني تحرمة علي الناس اللي هي حتدفع من جيبوبها وانت محللة لنفسك وإحنا إللي بندفعهولك من جيوبنا كدافعين للضرائب؟

ولا ابو بلاش كتر منة.

وفي الآخر المحكمة حكمت ببطلان القرار وطلع نأبكم علي شونة ؟؟

ياريت يا معالي وزير الأوقاف تتعلم من زملائك أمثال مفتي الجمهورية الدكتور "شوقي علام"  وشيخ الأزهر فضيلة الشيخ الدكتور "أحمد الطيب "و تصمت وما تتكلمش إلا للشديد القوي علشان غلطاتك كتير و الاوقاف وزارة يحترمها كل المسلمين.

كلمة اخيرة  لوزير الكهرباء والدولة عموما

يا سادة دور العبادة مساجد وكنائس وحتي المعابد اليهودية يجب أن تكون معفاة من دفع فواتير استهلاك المياه والكهرباء دي بيوت الله عيب .

شارك