آخر الأخبار
زراعة سوهاج تطرح لحوم للبيع بأسعار مخفضة إستعداداً لعيد الأضحي المبارك بعد تشبيهها بالنجمة ياسمين صبري.. شادن عارضة الأزياء التونسية أنا الأجمل جنايات سوهاج تعاقب شخصين بالسجن 3 سنوات بتهمة إحراز سلاح بدون ترخيص الرئيس السيسي يتابع مع رئيس الوزراء ووزيري التنمية المحلية والبيئة الخطة التنفيذية لمنظومة إدارة المخلفات الصلبة لهذا السبب : وقف نقابية عن العمل النقابي بالنقابة العامة للعاملين بالبترول نائبة تطالب بسرعة تطوير طريق الموت بالزقازيق محافظ سوهاج: إنتهاء أعمال رصف الطرق في المواعيد المحددة برلمانى: وزارة الرى تتعنت في إنشاء محطة مياه القرين الزراعة": ضبط أكثر من 7 طن لحوم ودواجن واسماك غير صالحة للاستهلاك الأدمي إسكان البرلمان تعلن عن المستندات المطلوبة للتصالح في مخالفات البناء رئيس جامعة أسيوط يبحث إنشاء أول مركز بالجامعة لتعليم اللغة الايطالية خلال لقائه بوفد من جامعة ماركونى نائب يطالب زيادة المعروض من السلع وإحكام الرقابة لمنع التلاعب في الأسعار وزير التعليم العالي يرأس اجتماع المجلس الأعلى للجامعات بجامعة الإسكندرية البرلمان: البحث عن أفضل صيغة لحقوق الجميع وراء تأخر إقرار قانون العمل بالصور ... التضامن تفتتح معرض ديارنا بمطروح 
رئيس مجلس الإدارة عبد الفتاح يوسف
رئيس التحرير سيد بدري

وكيل وزارة الصحة ببورسعبد يشرح للمواطنين منظومة التأمين الصحي الشامل

الاحد 23 يونيو 2019 - 1:25 AM |عدد مشاهدات :651
دكتور عادل تعيلب
طباعة
السيد بكري

التامين الصحي الشامل بيكفل لكل مواطن في الدولة العلاج عاى نفقتها بغض النظر انه موظف او يعمل في مهنه تكفل له تأمين او لا !
وبالتالي اول ما التامين الصحي الشامل هيشتغل هيلغى التامين الصحي العادي اللي كان في مستشفيات زي المبره والتضامن
وكل مواطنين المحافظه هيبقوا تحت مظله التامين
طيب بيشتغل ازاي التامين الصحي الشامل ؟!!
المواطن كان زمان بيروح المستشفى مباشره لما يتعب طبعاً ده نظام خاطئ ومش ده اللي درسناه في كليات الطب لان اللي درسناه بيعتمد ان المواطن بيروح الوحده يكشف عند حاجه اسمها طبيب الاسره بس ده مبيحصلش وده النظام المتبع اوروبياً في دوله زي بريطانيا
عشان كده النظام كالاتي
المريض هيعدي عليه في بيته مجموعه من الشباب مجاناً بدون اي مقابل مادي يعرفوا منه كام معلومه كده ويعرفوه نظام التامين واسم الوحده التابع لها وفقا لمنطقته مش الحي لا المنطقه يعني المريض مش هيلاقي زحمه زي المستشفى وناس بتتخانق ع المستشفى وكل واحد عاوز يكشف اكنه بيموت بعد الشر طبعا
كل وحده صحيه هتشمل حوالي ٤ الاف اسره وده طبعا مش معناه ان الاسره كلها هتروح تكشف لا طبعاً
هتلاقي رعايه افضل لان عدد المرضى اقل واهتمام
كل مريض هيروح الوحده الصحيه التابع ليها هيلاقي طبيب الاسره ده المكلف يتعرف ع المريض واسرته ويعالجه اذا كان موضوع مرضه بسيط ويتعامل معاه طبيعي جداً ويفتح ملف الكتروني لتاريخ المريض الصحي السابق والحالي واذا كان المريض بيعاني من اي حساسيه لاي دوا او عنده امراض مزمنه ودي حاجه اسمها التسجيل الطبي وده عباره عن التاريخ الصحي المرضي للمريض
ولو لا قدر الله الحاله الصحيه للمريض تستاهل نقله للمستشفى للحجز بيتم الكترونيا طبقا لمنظومه التحول الرقمي والميكنه نقل المريض بالاسعاف للمستشفى ونقل كل الداتا والمعلومات الخاصه به للمستشفى وبالتالي النايب المقيم اللي في المستشفى هناك هيعرف المعلومات كامله عن المريض وكل امراضه بدون الرجوع لطبيب الاسره او لانه يعيد الروتين ويفضل يسال المريض واهله ويضيع وقتهم وبكده الطوارئ بتاعه المستشفى مش هتستهلك زي زمان ويقدر اطباء التخصصين. بالمستشفى مباشره عملهم بكل اهتمام ودقه نظرا لقله عدد التوافد والزحمه اللي بتحصل في المستشفيات والهرجله
فيه حاجات لازم حضرتك تبقى عارفها ان المؤسسات الصحيه في اي دوله بتتقسم ل ٣ مستويات
مستوى رعايه اولى ( الوحده الصحيه)
مستوى رعايه ثانوي(المستشفى)
مستوى رعايه متخصص(المستشفيات التخصصيه زي النسا والرمد والحميات وغيرها )
فالمريض لازم يروح لمستوى الرعايه الاولي يكشف اذا كانت حالته مستقره ومجرد امراض عاديه زي البرد وغيره بياخد علاجه وبيروح وطبعا بيتكتب في تاريخه المرضي الكترونيا واذا كانت حالته تستلزم النقل بيروح المستشفى واذا كانت تستلزم عمليه بيعملها وكل ده ع نفقه الدوله
نيجي لحقوق المريض
النظام الصحي بيكفل لحضرتك جوده عاليه وكفاءه الخدمه الطبيه المقدمه
مش بس كده
لا وكمان بيكفل ان لو الطبيب كلمك باسلوب غير لائق او مكشفش يعني رفض الكشف او اتعامل معاك بطريقه وحشه من حقك تشتكيه ويتخصم من مرتبه ولو اتكرر الموضوع ده ممكن يتفصل الطبيب من الخدمه وطبعا ده بعد اشراف لجنه ع التحقيق مع الطبيب او التمريض
التامين الصحي الشامل بيشرف عليه ٣ هيئات هم
هيئه مقدمي الخدمه(تبع وزاره الصحه)
هيئه التامين الصحي اتمويل الخدمه (تبع رئاسه الوزراء)
هيئه الرقابه والاعتماد والجوده(تبع رئاسه الجمهوريه)
يعني الخدمه مش مراقبه من وزاره الصحه لاء ده رئيس الوزراء ورئيس الجمهوريه بيشرفوا ويراقبوا الخدمه شخصياً
وده بدايه الرقابه ع الخدمه ضد الاهمال ومتابعه التنفيذ الجيد ورفع كفائتها و الاهتمام بمدى الجوده وثباتها للمواطن
بالنسبه للمبلغ المالي
بيتم خصم نسبه من مرتب كل فرد عن نفسه وباقي افراد اسرته
بمعنى ان الاب مثلا يتخصم من مرتبه نسبه ولتكن ١٪؜ عن نفسه و١٪؜ عن كل فرد في الاسره يعني لو اسره مكونه من ٤ افراد هيتم خصم نسبه قدرها ٤٪؜ من المرتب شهريا وده نظام التامين للموظفين في الحكومه
طيب العمال في الاشغال الخاصه
هيتم خصم من رب العمل نسبه معينه بنفس الطريقه وهو بدوره بيخصم من رواتب الموظفين او العمال شهرياً
طيب الغير قادرين عن دفع النسبه بتتولى الدوله الدفع النسبه عنهم وده بعد بحث اجتماعي خاص بوزاره التضامن
طيب دلوقتي لو فيه خطأ في اي عمليه او دوا اتكتب للمريض غلط او مثلا عمليه دعامه قلب او ايا يكن اتعملت في حين ان حاله المريض مش محتاجاها بمعنى ان المريض ده ممكن يمشي ع ادويه افضل ومش محتاج عمليه قسطره ودعامات وان الطبيب عملها من اجل انه يتربح من منظومه التامين اجر العمليه اللي عملها
فيه اجراء من التامين الصحي متبع من هيئه الرقابه وهو عمل لجنه لكل اجراء سواء عمليه او وصف ادويه او غيره ومعرفه اذا كان هذا الاجراء ضروريا ام لاء وفي حاله ثبوت عدم ضروريه الاجراء او ان الطبيب عمل وكلف الدوله عمليه غير ضروريه بيترفض تقديم اجر الطبيب لعمليته وده معناه ان الطبيب بياخد اجر العمليه بعدها وليس قبلها وده يضمن حق المريض القانوني والطبي وان الاطباء ميستغلوش النظام في الاضرار بالمال العام
طيب احنا عندنا جاهزين لمنظومه التامين الصحي بعدد ١٠ مستشفيات وحوالي ٣٥ وحده صحيه ده غير عندنا هيتعمل مستشفى بحر البقر للطوارئ ودي هتخلي اي حادثه ع الطريق تروحلها وبالتالي يخفف عبء الحوادث وتكلفه المشقه ويقلل فتره الوقت اللي بياخدها المريض من الطريق حتى المستشفى داخل المدينه
عندنا مستشفيات بورسعيد العام والمبره والتضامن وبورفؤاد العام والنصر للاطفال والنسا والولاده و الرمد والزهور و النفسيه والعصبيه والحميات والصدر ومستشفى بحر البقر للطوارئ
دول تقريبا كل المستشفيات ان لم تخني الذاكره وبيتم تقسيم الحي لمناطق وكل منطقه ليها وحده صحيه زي ما قولت قبل كده وبكده كل حي يبقى فيه اكتر من وحده ويتم توزيع الكثافه السكانيه عليهم فكل المواطنين بيلاقوا خدمه صحيه جيده
ويا رب نظام المراقبه والجوده يفضل بالطريقه دي لان ده كفيل نقل النظام الصحي لمكانه ومستوى عالي جداً
بالنسبه لاهم حاجه بقه الاطباء
هل هم ع قدر من الكفاءه والمعرفه انهم يديروا الخدمه الصحيه
فجميع اطباء الاسره اللي بيشتغلوا في الخدمه تم تدريبهم ع اعلى مستوى في بريطانيا واحدث نظم والطرق العلميه في العلاج بالنسبه لتخصص طب الاسره
ومش بس كده كمان هيبقى فيه نظام لتعليم الاطباء واختبارهم بشكل دوري بمنحهم رخص مزاوله المهنه وتدريبهم ع يد اساتذه الجامعات
حيث تم عمل بروتوكولات تعاون مع مستشفيات كبيره لتشغيل الخدمه زي مستشفى كليوباترا
وكمان بروتوكولات مع المستشفيات الجامعيه للاشراف الدوري وامداد المنظومه باطباء اخصائيين واستشارين بصفه تقترب من اليوميه لمتابعه جوده وقوه الخدمه المقدمه
(يعني يتابعوا جوده الخدمه ويساعدوا في تدريب وتعليم مستمر للاطباء وكمان يضمنوا جودهالخدمه وثباتها)
زي مستشفى كليه طب ج قناه السويس والازهر فرع دمياط وبورسعيد
المفترض الانتهاء من جميع المشروعات دي ع ٣٠/٦ القادم يعني كمان اسبوع والبدء بالعمل يوم ١/٧ ان شاء الله اول ايام العمل بالمنظومه
وحاليا جميع المستشفيات جاهزه لاستقبال الخدمه بنسبه تتراوح من ٩٤٪؜ ل ١٠٠٪؜
وجاهزين بعدد ٢٨ وحده صحيه مع العلم ان المرحله الاولى للتامين الصحي طالبه ٧ مستشفيات فقط وعدد ٢٥ وحده
يعني احنا معدين النسبه واشتغلنا في الوحدات والمستشفيات اللي تبع المرحله الثانيه بدري عن موعدها لان التامين في بورسعيد ع مرحلتين
حتى المتبقي من الوحدات نسبه جاهزيته ٩٤٪؜ وكل قرى الجنوب والغرب واصلها وحدات صحيه تغطي المساحات بتاعتها
وطبعا جاري عمل اختبارات اوليه لاختبار الخدمه وقوتها وكمان اختبار نظام الميكنه لان الموضوع هيتم عن طريق الكمبيوتر والكترونياً يعني نظام الانترنت والسرفرات لازم تكون قويه وتستحمل الخدمه وجاري اختبارها-

شارك

التعليقات