آخر الأخبار
غادة والي: 12 ألف مريض إدمان تلقوا خدمات العلاج خلال شهرين و15 يوما الاثنين .. "صاروخان يعود من جديد" النائب عمر وطني: قرار الرئيس السيسي بشأن أصحاب المعاشات انتصار لدولة القانون إيقاف شيرين عبد الوهاب عن الغناء بتهمة التطاول على مصر إيقاف شيرين عبد الوهاب عن الغناء بتهمة التطاول على مصر السكرتير العام لمحافظة سوهاج يفتتح وحدة العلاج الطبيعي لأطفال الشلل الدماغي بوحدة "جزيرة محروس" جامعة أسيوط تدشن أول برنامج تدريبي للتعلم الإلكتروني والتدريب عن بعد لجميع العاملين بالجامعة محافظ أسيوط يعلن إنشاء عداية ونفق مشاه أسفل السكة الحديد للربط بين موقفي المعلمين الجديد ونزلة عبداللاه محافظ أسيوط يعلن طرح هيئة المجتمعات العمرانية لعدد 150 قطعة أرض سكنية ضمن مشروع الإسكان الاجتماعي بمدينة أسيوط الجديدة جامعة أسيوط تتخذ من السلام شعارا لإطلاق ملتقاها الأول لأسبوع الشعوب نهاية الشهر الجاري جامعة أسيوط تُعلن عن وضع برنامج لإجراء الفحص الطبى على العاملين والطلاب للكشف عن متعاطى المواد المخدرة أكاديمية البحث العلمي تدشن مركز الابتكار المجتمعي للمرأة " محمدفهيم" سعيد للغايه بتجسيد شخصيه" مهرج "الملك لير " بمسرحية الملك لير " كلية التربية بسوهاج تنظم ندوة بعنوان "تلوث الماء والغذاء والحماية من الأضرار الناتجة عنهما" برقية تهنئة للزميلة الإعلامية عواطف أبو عميرة
رئيس مجلس الإدارة عبد الفتاح يوسف
رئيس التحرير سيد بدري

قصة كفاح.. مخترع الصعيد ودينامو الميكانيكا ومطالبتة الحكومة بالاهتمام بالمخترعين 

الثلاثاء 15 مايو 2018 - 11:38 AM |عدد مشاهدات :204
صورة ارشيفية
طباعة
متابعة:ممدوح السنبسي 

   انا محمد فتحى من الصعيد طالب فى الثانوية العامة شخص عادى جدا اتولدت فى٢١-٤-١٩٩٩ مجتمع ظروفة صعبة جدا.

   انا بسيط جدا وابويا بسيط جدا جدا ابويا مش وزيردولة دكتور ولا نائب ولا عمدة انا ابن راجل فقير لله راجل على قد حالة ربانى كويس انا واخواتى جدا مع انه ظروفه صعبة جدا ظروفه متسمحش انو يعلمنى فضل يكافح ويشتغل لحد ماقدر يوصلنى لمرحلة فى التعليم والحياء بقيت صعبة اكتر واخواتى ابويا كتر الف الف خيرة لو فضلت اوصف فية من هنا لحد ما اموت مش هو في الى عمله معاى المهم هو يشتغل وانا اشتغل واكافح لحد مبقيت فى الثانوية العامة .

   انا ابسط من اى حد وظروفى اصعب من معظم الناس احنا ٧ اخواتي انا اكبر واحد انا بشتغل فى اى شغل علشان اكمل تعليمى وتعليم اخواتى واساعد اهلى انا عمرى ١٩ سنة والحمد لله مفيش حد فى اخواتى فاشل فى تعليمه انا فى الثانويه واختى فى الثانويه العامه احنا بنشتغل علشان نصرف على نفسنا ربناادام لنا الصحة والحمد لله علشان نشتغل ونعمة العقل علشان نتعلم والحمد لله ربنا مدينا كتير والحمد لله ربنا مبيسبش حد احنا كانت بتيجى علينا.

   ايام مفيش اكل فى البيت نهائيا ولا اى حاجة كنا بنام من غير غداء عشان مفيش شغل مفيش فلوس مفيش اكل كنا بنحمد ربنا على الصحة والعقل ونعم ربنا والحمد لله طبعا الحمد لله اشتغلت بياع ونجار وحداد وسواق وكنت بشيل التراب والرمل على كتفي واشتغلت فى السيراميك والمحارة وكنت بعمل شاى للناس كنت بكنس فى الشوارع وانضف اشتغلت بفلوس قليلة جدا كنت بتظلم ومخدش حقى كامل كنت قبل منام اعيط من تعب الشغل واقول الحمد لله على نعمك يارب وانام وانا مظلمش حد.

   وكنت انام فرحان وانا مظلوم ومش واخد حقى اقول ربنا كريم وهيعوضنى على كل دة كانت الناس بتعطف على وتدينى الفلوس وانا من داخلي بتقطع وانا باخد الفلوس من الناس واقرب الناس من اهلى شتمتنى وحاربتنى وكانت تقلى انت فاشل زى ابوك انت هتطلع زى ابوك انت مش هتنفع زى ابوك بس هتفضل طول عمرك تشتغل عند الناس هتفضل طول عمرك صايع وملكش مبدا انا بشكر الناس دى علشان هم بكلامهم بدل مايهدونى بنونى من الاول بكلامهم خلونى بقيت حاجة وسط الناس وفى المجتمع  والحمد لله والشكر لله ربنا كرمنى بحجات كتير .

 مخترع الصعيد الاول ودينمو المكانيكا 

   حاصل على الاول على الادارة والاول على المحافظة والاول على جنوب الصعيد والاول على محافظات الصعيد من الجيزة الى اسوان والاول على الجمهوريه فى مسابقة انتل ايسف للعلوم والهندسة مصر 2017 اكبر مسابقة علوم وهندسة فى العالم .

   والرابع على الوطن العربي فى مسابقة تابعة للامارات والحمد لله قدرت احقق مراكز متقدمة هذا فضل ورضا الله على دخلت فى مسابقة معرض مصر للعلوم والهندسة ٢٠١٨ أخذت مركز اول هندسة ميكانيكا حاصل على درع الابداع والتميز لعام ٢٠١٨ عضو فى نقابة المخترعين المصرين وعضو فى مجلس علماء مصر (كرنية حصانة ) والحمد لله اسمى نزل فى جرائد اجنبية كتيير وجرائد واخبار مصرية بتنزل باسمى مقالات فى مصر وبرة مصر.

   جائتني هدايا من ملك الامارات الشقيقة ووصلتني عروض من روسيا بمبلغ 12مليون دولار وانجلترا وسويسرا 12 مليون دولار يعنى 200 مليون جنيه مصرى واتعرض على اعمل الشركة باسمى هناك هيكون لها 22 فرع فى انحاء العالم انا المدير التنفيذى والشريك الثالث فيها جائتني عروض من رجال اعمال فى مصر بس انا مش عاوز كدة انا عاوز اساعد اهلى ونفسي اعمل لبلدى حاجة العالم كلة يحلف بيها فى الاسواق العالميه.

   نفسي اساعد كل الناس . الحمد لله قدرت احقق جزء من احلامى وقدرت الحمد لله انفذ محركات تعمل بالماء واالهواء فقط دون وقود وعملت مولدات كهرباء ومحركات سيارات ومحركات كثير شغلتها بالماء والهواء فقط والحمد لله رب العالمين قدرت احقق كتير من الى نفسي فيه ونفس اهلى فيه الحمد لله على نعم ربنا .

الشكر اولا لربنا ثم ابويا وامى وامى الثانيه الأستاذة

هبة عبد العزيز واهلي وناسي دعمونى بالى قدرو عليه 

وانا الان بعطى مثل ما اخذت الاول .هذه قصتي

قصةكفاح ميعرفهاش الكثير بل عشتها انا ابن الحج فتحى

 

شارك

التعليقات