آخر الأخبار
السيسي والبرهان يتفقان على دعم الإرادة الحرة لشعب السودان الثلاثاء منتخب مصر يطير الي فيجي للمشاركة في بطولة العالم لرفع الأثقال تحت 20سنه مصري يدخل العالمية من أوسع أبوابها حصاد الحملة القومية لمكافحة سوسة النخيل خلال شهر ابريل في الواحات البحرية رئيس الوزراء يشارك في مراسم تنصيب رئيس جنوب أفريقيا نيابة عن الرئيس السيسي أسماعيل : رفع 8 طن مخلفات من جوانب مساكن الأسر الأولى بالرعاية بدرنكه رونالدو يستعرض "سيارته الخارقة" وزير الزراعة يحيل ملف حساب خطة المكافحة المتكاملة لآفات القطن الى النيابة الإدارية إقامة منطقة تجارة حرة أفريقية قارية بإيداع 22 دولة "من بينها مصر" ابنة شقيق زكي مبارك تتعرض لمحاولة اغتيال مع اقتراب نهاية مهلة المرشحين.. ما مصير انتخابات الجزائر؟ رئيس جامعة الأزهر للوجه القبلي يتفقد داخل كلية البنات الأزهرية بأسوان سفارة مصر في فرنسا تنظم زيارة خاصة لمعرض "توت عنخ آمون، كنوز الفرعون الذهبي" التضامن تواجه الزيادة السكانية بمسرح الشارع فى انشطة رمضان مبادرة بينا تنظم دوري رمضاني لابناء دور الرعاية
رئيس مجلس الإدارة عبد الفتاح يوسف
رئيس التحرير سيد بدري

أنا آسف - سعيد شحاتة - سلسلة روائع الإبداع

الاحد 14 يناير 2018 - 1:46 PM |عدد مشاهدات :2028
  صورة ارشيفية
طباعة
رفعت حسن محمد حسن

أنا آسف

لأن الورد طارح م الوجايع تين

لأن الضحكه طالعه بخوف

وصوتي ملجمه التانيين

عشان قلبي الحصان مجبر

يقابل في السبق خاينين

ويرمح وسط ناس نايمين

ويعطش م الكلام في العشق

وينهج م الكلام في الدين

أنا آسف

عشان ما اعرفش شايفك فين 

عشان ما اعرفش وقت الزحمه رُحت منين

عشان ما اعرفش شكلك إيه

وليه صوتك كئيب وحزين

عشان ما اعرفش ريحة الفل م الياسمين 

أنا آسف

عشان أنا وانت رغم خرسنا مش ساكتين

ورغم صراخنا مش سامعين

ورغم المشي والأوجاع ما بيبانش إننا ماشيين

ورغم الضحك بنحاول نقف ساعة الأدان صايمين

أنا آسف 

عشان ما اعرفش مين فينا اللي حارب مين

ومين فينا اللي سلّم مين

ومين فينا -اللي رغم الدمّ- داس وقت الوجع على مين

أنا آسف عشان ما أعرفش.. مين فينا اللي ساحب مين

عشان أصبحنا وقت الجد ف اسطبل الحياه اتنين

وقررنا إننا ضدّين

الشاعر سعيد شحاتة

شارك

التعليقات